O alumnado de 4º da ESO do CPI Camiño de Santiago xa pode solicitar as bolsas do Ministerio de Educación para estudos postobrigatorios no curso 2022-2023, como Bacharelato ou os ciclos de Formación Profesional.
O prazo de solicitude de bolsas para estudos postobrigatorios, que vai do 30 de marzo ao 12 de maio, adiantouse 4 meses con respecto a convocatorias anteriores. O obxectivo é que os candidatos e candidatas poidan coñecer antes do inicio das clases se cumpren cos requisitos para recibir a bolsa e cal será a súa contía.
Os Ministerios de Educación e de Formación Profesional e Universidades recoméndanlles aos alumnos e alumnas que soliciten a bolsa aínda que a día de hoxe non saiban que van cursar o vindeiro ano. Para iso, suxiren que os solicitantes elixan aqueles estudos que consideren máis probables e anuncia que se poderán realizar cambios de estudos en setembro.
As solicitudes deberán presentarse online, a través da sede electrónica do Ministerio.
Máis información sobre as bolsas MEC 2022-23 neste enlace.