A ANPA do CPI Camiño de Santiago abre o prazo de matrícula para as actividades extraescolares de robótica e de mecanografía máis ofimática dirixidas ao alumnado dos 6 aos 12 anos.
Ambos cursos impartiranse na Aula TIC do Concello (antigo centro médico) todos os luns. O horario de robótica será de 17.30 a 18.30 horas, mentres que as clases de mecanografía e de ofimática levaranse a cabo de 18.30 a 19.30 horas. Nos caso destas últimas, impartirase aos nenos e nenas a partir de 4º de Primaria.
O comezo das actividades será o luns 6 de novembro.
O prezo é de 25 euros ao mes e serán impartidas por Aula Desafío.
A inscrición deberá facerse cubrindo o formulario de matrícula (neste enlace).
A introdución das clases de robótica así como de mecanografía e de ofimática resultan moi beneficiosas para o alumnado, especialmente entre os máis pequenos que están a iniciarse no uso dos ordenadores na escola. Con estes cursos adquiren as habilidades precisas para mellorar a súa eficiencia e a competencia no uso da tecnoloxía.
Para calquera dúbida está dispoñible o enderezo: hola@auladesafio.com