O alumnado de 4º da ESO do CPI Camiño de Santiago xa pode solicitar as bolsas do Ministerio de Educación para estudos postobrigatorios no curso 2023-2024, como Bacharelato ou os ciclos de Formación Profesional. O prazo de solicitude de bolsas para estudos postobrigatorios vai do 27 de marzo ata o 17 de maio.
Os Ministerios de Educación e de Formación Profesional e Universidades recoméndanlles aos alumnos e alumnas que soliciten a bolsa aínda que a día de hoxe non saiban que van cursar o vindeiro ano. Para iso, suxiren que os solicitantes elixan aqueles estudos que consideren máis probables e anuncia que se poderán realizar cambios de estudos en setembro. Ambos os dous Ministerios aconsellan non deixar a solicitude para o último día, xa que poden pedir datos que non estean no documento e que a persoa solicitante terá que buscar ou consultar.
As solicitudes deberán presentarse online, a través da sede electrónica do Ministerio (pincha aquí).