O próximo venres, día 19, remata o prazo para inscribirse na actividade O Pino-Aventura que organiza o Concello do Pino dirixida a persoas de 8 anos ou máis. Podedes participar en familia ou coas amizades, formando equipos de entre 2 a 5 persoas.
A actividade será desenvolvida por persoal de Territorio Comanche e quere fomentar o xogo en equipo, o exercicio, agudeza mental e o coñecemento do territorio. Este ano vaise celebrar na contorna da área recreativa da Madalena a partir das 10.30 horas do sábado 20 de maio.
Pódeste inscribir presencialmente na casa da cultura ata ás 13.00 horas do venres 19 de maio. Tamén podes cubrir a ficha que está na web do Concello do Pino.Tes toda a información na web do Concello, neste enlace (preme aquí).